Г1АЛГ1АЙ РЕСПУБЛИКА ЗАКОН

«Г1алг1ай Республика паччахьалкхен совг1атех» долча Г1алг1ай

Республика Закона хувцамаш юкъедахьара хьакъехьа

Т1аийцад

Г1алг1ай Республика

Халкъа Гуллама

2014 шера 27 марте

Статья 1 «Г1алг1ай Республика паччахьалкхен совг1атех» долча 1997 шера 10 декабреча №18-РЗ йолча Г1алг1ай Республика Закона (газет «Г1алг1айче», 1997, 21 декабре; 2003, 26 апреле; 2007, 16 июне, 2011, 6 октябре) юкъехьо 1обелгалдяь хувцамаш: 1)

2 статьяйна т1атохар де ер чулоацам болча кхоалаг1ча абзацаца: «мейдилг «Наьна сий – Материнская слава»; 2)

3 статьяй шоллаг1а абзац д1аязъе кердача редакце: «Паччахьалкхен совг1аташца дола дешаш хьалхаленца тахкара духьа Г1алг1ай Республика Мехкдас в1ашаг1йолла Г1алг1ай Республика Мехкда волчара паччахьалкхен совг1атех йола комиссии цу белгалъяьча Комиссех йола Положении цун оттам а д1ач1оаг1бу.»; 3)

20 статьяй хьалхарча абзаце дешаш «кхо шу» хувца дешашца «пхи шу»; 4)

24 статья укх редакце д1аязъе:

«Статья 24

Г1алг1ай Республика лакхехьара паччахьалкхен совг1ат да орден «За заслуги»

«За заслуги» яха орден лу Г1алг1айчен халкъа хьалхашка т1ех докхий толамаш даьхача гражданашта, дувзаденна:

Г1алг1ай паччахьалкхе меттаоттаеш, дег1айоалаеш, ч1оаг1ъеш;

Социально-экономически дег1айоалаеш, 1илманца къахьегарах, культуреи исскуствеи, дешари унахц1ено лелаяри дег1адоаладеш;

Т1ехдоккхий спортивни толамаш дахарах;

Халкъашта юкъе машар, доттаг1али цхьана къахьегари ч1оаг1дарах.

«За заслуги» орден лелаю наькха аьтта оаг1орахьа, х1аьта Российски Федераце паччахьалкхен совг1ата а СССР паччахьалкхен совг1аташ а далее царел т1ехьаг1а д1атосс.

«За заслуги» орденах дола йоазув д1ач1оаг1де укх Закона 1 т1атохарца нийса.»; 5)

т1атохар де ер чулоацам болча 24*статьяйца:

«Статья 24*

Мейдилг «Наьна сийле - Материнская слава» совг1ата лу итт а кхы дукхаг1а а дезалаш кхебаьча (кхебеча), ноаношта. «Наьна сийле - Материнская слава» мейдилг совг1ата лу т1еххьарча бера цхьа шу ха яьлча.

«Наьна сийле - Материнская слава» мейдилг ялара ходотайствашка хьажара из д1аялара а арг1а д1ач1оаг1ъю Г1алг1ай Республика Мехкдас.

«Наьна сийле - Материнская слава» мейдилг дукха бераш долча нанна шозлаг1а луш яц.

«Наьна сийле - Материнская слава» мейдилг наькха аьрда оаг1арахьа лелаю, совг1ат денначун Российски Федераце паччахьалкхен совг1аташ далее, СССР паччахьалкхен совг1аташ далее, царел лохе олл.

«Наьна сийле» - Материнская слава» мейдилга йоазув д1ач1оаг1де укх Закона 2 т1атохара нийса.»; 6)

25 статья хьалхарча абзаце дош «эхь-юхь» хувца дешашка «эхь-юхь долаш – патриотически»; 7)

т1атохара ц1и укз редакце д1аязъе:

Т1атохар

Г1алг1ай Республика

паччахьалкхен совг1атех» долча

Г1алг1ай Республика Закона»; 8)

т1атохар де ер чулоацам болча 2 т1атохарца:

Т1атохар 2

«Г1алг1ай Республика

Паччахьалкхен совг1атех» долча

Г1алг1ай Республика Закона»;

Йоазув

«Наьна сийле – Материнская слава» мейдилг гом ба диаметр 32 мм йолаш, шина а оаг1орахьа хьалбаг1аш бист болаш.

Мейдилга бакъахбарча оаг1он т1а – бер марх1а долча наьна юкъага кхаччалца дола рельефни сурт да.

Харцахьарча оаг1он т1а – гоннахьа рельефни йоазув «Наьна сийле – Материнская слава» мейдилга ц1и язъяь, мейдилга юккъе рельефни йоазув – «Г1алг1ай Республика».ю лохе – мейдилга номер.

Мейдилг г1озарцеим1арилгацеи д1ахотт биъ СА болча 18 мм лакхеи 27 мм шереи йолча ц1е шув бодаш к1ай бос болаш 5,5 мм шера аьтта оаг1орахьа даьре муарови инза хьоарчадаьча колодках. Колодка харцахьча оаг1орахьа – барзкъах д1атасса маха боалл.

Мейдилг дотох яь я.».

Статья 2

Ер Закон низаца ч1оаг1денна болх бе долалу ер официально кепатеха итт ди чаккхдаьннача дийнахьа денз.

Г1алг1ай Республика

Мехкда

Ю.Б.Евкуров

г.Магас

2014 шера 29 март

№13-РЗ